Detained karon sa Candoni PNP bangud sa pagbaligya sang pusil ang 41-anyos nga lalaki, nga amo man ang suspek sa pagpatay sa 13-anyos nga babaye nga nasapwan sa kampo sa Sitio Lawagon, Barangay Poblacion West sa banwa sang Candoni sadtong Abril 27.
Nakuha kay alyas “Kadong”, taga Brgy. Haba sa Candoni ang isa ka caliber 38 homemade revolver, duha ka rounds sang ammunition kag P1,500 nga buy-bust money.
Ginsiling ni Police Capt. Leonel Adolacion, hepe sang Candoni PNP nga may nakakita nga sakay ang biktima sa tricycle sang lalaki antes nasapwan ang bangkay sang bata, isa ka adlaw matapos nga nadula ini sang siya ang ginsugo nga magbakal sang ice sa tiangge sa Brgy. Haba.
Nagahulat na lang ang kapulisan sa resulta sang medical examination sa bangkay sang biktima agud mahibaluan kung may paghimulos nga natabo.
Magluwas sa paglapas sa Republic Act 10591 ukon ang Comprehensive Firearms and Ammunition Regulation Act, maga-depende sa resulta sang medical examination ang dugang nga kaso nga ipasaka sa suspek.
Kun magpositibo sa paghimulos ang biktima, magapangatubang sa kaso nga rape with murder ang suspetsado, kag kun mag-negatibo, kaso nga murder ang iya paga-atubangon.
“Siya is isa sa mga persons of interest natin nung natagpuan ang bata tapos may record sa amin yan, sa tracking namin na may involve din palang baril so inoperate namin… May information tayo kasi siya yung last na nakita, hindi lang magbigay ng testimonya niya kasi may takot sa buhay niya. May naka-usap kami nga siya ang last na nagpasakay sa bata sa tricycle niya tapos nung bumalik na, negative na, wala na yung bata”, suno kay Adolacion.*
[sibwp_form id=1]