Shadow

Support local ang panawagan sang gobernador kadungan sang lights on ceremony sang SM city giant Christmas tree

Ginpangunahan ni Governor Eugenio Jose Lacson kaupod ang managment sang SM City Bacolod sa pagpaandar sang mga Christmas lights sa 50 ft nga Christmas tree sang Sabado.

Inspired sa sugar industry sang Negros ang design sang christmas center piece sang mall nga napalibutan sang mga katubuhan. May iron dinosaur ukon ang bagon nga gina kargahan sang mga tubo.

Masobra sa isa ka libo ka mga decors ang naga palibot sa Christmas tree.

Suno sa assistant mall manager sang SM nga si Julia Javellana, sang nag ligad nga tuig wala sang amo sini nga seremonya, sa una nga tuig sang pandemic. Pero luyag nila sa gihapon buhion ang espiritu sang paskwa amo kun ngaa ginpatigayon ang programa.

Sa speech sang gobernador iya gin panawagan sa mga Negrense nga suportahan ang local products para ululupod ang mga Negrense sa pagbangon.

Santo man ini sa Christmas Bazaar sa tupad lang sang Christmas tree. Sarang makita kag maka pamakal sang mga produkto nga himo sang mga Negrense. May mga native bags, delicacies, prutas, christmas decors, mga tanum, kag madamo pa. Mga katapo sila sang Association of Negros Producers.

Sang makita sang sini nga mag asawa mga napa andar na ang christmas lights sa giant Christmas tree, gilayon sila nagpa picture. Istorya ni Grace Sumpay, Maka hilidlaw kuno ang maka kita sang amo sini nga display kag okasyon.

Parehos sa ila ni Grace, ginkuha man ini nga oportunidad sang mga mall goers nga maka pa picture sa higante nga Christmas tree para bisan may pandemic, mabatyagan sa gihapon ang espiritu sang paskwa.

Leave a Reply

Your email address will not be published. Required fields are marked *

Secured By miniOrangeSecured By miniOrange