Yara na sa Tropical Cyclone Wind Signal number 2 ang Batanes kag may pila ka mga areas sa Luzon nga ginpaidalom naman sa wind signal number 1 bangud sang Super Typhoon Rosal.
Yara na ini sa 770 kilometers east sang Apari Cagayan kag may kabaskugon nga 205/250 kph samtang naga giho sa west northwestward direction nga may kadasigon nga 25 kph.
Suno sa PAGASA ang Super Typhoon Rosal ang pinakamabaskog nga bagyo sa karon nga nag sulod sa Pilipinas sa sini nga tuig pero indi ini mag-igo sa duta.
Magapabilin ini bilang super typhoon tubtob Huwebes kag ginapaabot nga magahinay kag mangin typhoon category.
Bisan indi mag igo sa duta magadala sang ulan ang ikog sini sa pila ka mga lugar sa Pilipinas lakip na ang Negros.
Maliko ang bagyo pa Taiwan kag ma rekta sa Ryukyu Islands kag magwa sa PAR sa Biyernes ukon Sabado.
[sibwp_form id=1]