Amat-amat na nga naga kumpirma ang mga stars nga maga pakigbahin sa 52nd Metro Manila Film Festival nga magpadulong sa Bacolod City para sa Parade of Stars sa Disyembre 12, kadungan man sang opening sang Batang Pinoy 2026 sa siudad.
Ginkumpirmar ni Bacolod City Administrator Atty. Mark Steven Mayo nga isa sa mga dinapit nga bisita amo si Vice Ganda nga maga-upod sa parada para I-promote ang ila entry nga duha ni Bossing Vic Sotto nga “The Greatest Showdown.”
Sigurado na nga maabot si Vice Ganda, apang padayon pa nga ginakumpirma sang organizers kun maka upod man sa Bacolod si Vic Sotto.
Si Kaladkaren kag Enchong Dee naman ang maga-host sa MMFF nga parada, kag posible sila naman ang maga host sa opening sang Batang Pinoy.
Lakip pagid sa mga nag kumpirma nga maga-upod sa parade of stars amo sanday Julia Barreto kag Paulo Avelino.
Una nga paga hiwaton sa Disyembre 12 ang Parade of Stars sang MMFF samtang magasunod naman ang opening sang Batang Pinoy 2026 kun sa diin maga perform man sang free concert ang mga artista sang MMFF.
Sa karun, natapos na ang registration para sa Batang Pinoy. 208 ka mga LGU ukon 28,000 ka mga atleta ang magapakigbahin sa amo nga kompetisyon.
[sibwp_form id=1]