May mga magagmay nga mananagat nga nakit-an sa kilid sang baybay sa Reclamation Area kag Barangay Banago kaina sang aga.
Gani liwat nga nagpaandam sa ila ang pamunuan sang City Disaster Risk Reduction Management Office nga kun mahimu indi na magpasimpalad pa nga managat karon nga napaidalom sa Tropical Cyclone Wind Signal No. 3 ang Negros Occidenal lakip na ang Bacolod.
Panugyan sang CDRRMO nga kun mahimu makig-angut sila sa ila barangay bangud may ginahanda man nga food relief packs para sa ila mga pamilya.
Nagapaandam man ang Coast Guard sa mga mananagat nga ipaiway gid anay ang magpalawod agud malikawan ang pagluntad sang trahedya kasubong na lamang sa natabo sa duha ka mananagat sa banwa sang binalbagan nga tubtob karon missing matapos nagpabaybay sang Miyerkoles sang aga.
Ang mga nagapuyo sa coastline areas amo man ang hugot nga ginamonitor sang cdrrmo upod sa philippine coast guard bangud sang posible pagluntad sang storm surge nga sarang matuga sang super typhoon nga ginapaabot mabatyagan mga las otso karon nga gab-i.
Humalin kahapon may 24 naman ka ma na stranded nga pasahero sa Bredco port, nalakip diri isa ka babaye nga nagabusong, ang gindala sa evacuation center sang siudad.