Nasapwan ang isa ka sunog nga bangkay sa Sitio Alegria, Brgy. 5, banwa sang Isabela, sang Sabado sang hapon.
Suno kay Police Captain Ar-Jay Dangarang hepe sang Isabela PNP, antes pa man masapwan ang bangkay, may ginpatigayon nga pagsunog sa kampo bangud inugtapas na ang tubo kag ginapatihan nadala ang bangkay sa pagkasunog.
Wala pa sa gihapon nakilal-an ang bangkay kag wala pa matumod kun ini isa ka babaye ukon lalaki.
Apang ang bangkay ang igapaidalom na sa medico legal examination.
Wala man sang reported missing person ang banwa sang Isabela.
Panawagan sang Isabela PNP, nga magpadulong gilayon sa PNP station kun may miyembro sang himata nga nadula.
Padayon ang imbestigasyon sang kapulisan sa amo nga insidente.