Arestado ang tatlo ka mga persona sa Hacienda San Lucas, Brgy. Hilamonan, sa Kabankalan City pasado las 7 kaina sang aga, matapos ang mga ini makuhaan sang 600 grams ukon P4,080,000 nga balor sang gina alegar shabu.
Ang mga suspek ang ginkilala sanday Lykey Vina, Hamid Sanggacala kag Cherry Tuazon, lunsay mga residente sang Brgy Sta Elena, Iligan City, Lanao Del Norte.
Ang buy-bust operation ang ginpangunahan sang PNP-Drug Enforcement group kag Special Operation Unit 6.
Ang mga arestado ang iga turn-over sa Kabankalan City Police Station.
Suno sa hepe sang Kabankalan PNP nga si P/Lt Col Roberto Indiape, Jr., sa Bacolod pa natabo ang transaksyon kag sa Kabankalan na ang duhulay sang items.
Sa San Carkos naman, may kapin 2 milyones pesos sang ginapatihan shabu ang tigayon nakuha sang otoridad sa buy-bust operation sa Hope Street, Barangay 5, Sabado sang udto.
Ang mga suspetsado ginkilala nga sanday Carlos Opciar, Julius Escanillan, Alexis Jeffer Damandaman kag Reynaldo Dela Peña.
Una nga nabaklan sang balor 800 pesos nga shabu ang mga suspetsado kag sang gin-usisa na ini nakit-an pa ang 18 ka plastic sachet sang suspected shabu nga naglab-ot sa 303.01 grams ang kabug-aton kag may market value nga P2,060,468.
Ang mga suspetsado pasakaan sang kaso nga paghupot kag pagbaligya sang iligal nga droga.