Diocese of Bacolod pabor sa rehabilitation project sang plaza sang siudad kag pagpaiway sang mga baligyaan sa napanag-iyahan nga propiedad.
Sa pag sugilanon ni Mayor Albee Benitez sa pamunuan sang Diocese of Bacolod nagpabor si Bishop Patricio Buzon sa plano sang siudad nga i-rehabilitate ang Bacolod Public Plaza.
Kabahin diri ang porsyon sang propiedad sang simbahan sa kilid sang Rizal Street mga masami ginaparentahan sa mga nagabaligya sang RTW kag ukay-ukay.
Suno sa alkalde nagsugot man ang Obispo sa plano sang siudad nga mapa untat na ang pag gamit sang plaza para sa mga baligyaan.
Gani ginatun-an sang LGU kun paano mabuligan ang simbahan ilabi na nga kabahin sang ila fund raising ang pagparenta sang propiedad sa mga negosyante.
Si Bishop Buzon ang nangayo man sang bulig sa alkalde sa tuyo nga mapadayon ang pag-repair sang San Sebastian Cathedral matapos nga ginpa untat ini sang National Historical Commission.