Kun sang una naga libot ining mga tricycle sa pagpangita sang pasahero, subong naga parking na lang sila diri sa may crossing sang Dalan Burgos kag circumferential road. Kamahal na gid abe kuno sang bili sang gasolina.
Kun subong ang gasolina ang yara sa singkwentay nuebe tubtob sisentay uno pesos ang kada litro pero bwas madugangan pa gid ini sang uno singkwenta.
Ang diesel sa karon naga hamboy sa singkwenta tubtob singkwentay dos pesos ang litro. Pero bwas malapit sa duha ka pesos ang isaka sang kada litro sini. Gani pati ang taxi driver nga si
Deolito Bawaan naga parking man sa kilid sang gasolinahan. Ahaw ahaw nga 300 pesos na lang ang iya mapauli sa kada adlaw, kun mag libot pa gid siya mabuhinan pa gid ini.
Bwas sa las sais sa aga ginapaabot nga ipatuman ang ikaapat na semana nga pagsaka sang bili sang produkto petrolyo.