Sub-regions ginduso ni Mayor Albee Benitez sa National Economic Development Authority agud mas mapadasig ang pag establish sang mga satellite offices sa isla sang Negros.
Yara na sa Committee on Appropriations sang Kongreso ang proposal para sa revival sang Negros Island Region kaupod na ang probinsya sang Siquijor.
Ginapaabot nga malawig-lawig pa ang proseso antes pa man sarang mapatuman ang NIR.
Gani sa pagbista ni Assisstant secretary Greg Pineda sang National Economic and
Development Authority, ginduso ni Mayor Albee Benitez ang pagtukod sang sub-regions sa baylo sang NIR. Si Benitez nga nagaserbe chairperson sang Regional Development Council sa Western Visayas ang pabor sa NIR.
Pero nagapati siya nga mas mangin madasig ang pagtukod sang satellite offices sa idalom sang sub-region. Suno sa alkade pabor man si ASec.
Pineda sa proposal.
Iga-submit man sang alkalde ang proposal kay President Ferdinand Marcos, Jr.