Siudad sang Bacolod nag-record sang 1,020 ka dengue cases sang 2022.
14 diri ang napatay.
May 45 naman ka suspected leptospirosiscases kun sa diin 11 ang patay.
Sa datus nga gin-release sang Bacolod City Epidemiology Surveillance Unit, kun ipaanggid sa 2021, 189.8 percent nga mas mataas ang dengue cases nga na record sang 2022.
Sang 2021, 352 ang dengue cases kun sa diin tatlo ang napatay.
Sa datus ang age group nga may pinaka madamo nga kaso sang dengue yara sa 1 to 10 years old.
Ang Barangay Mansilingan naman ang may pinaka mataas nga na record nga dengue cases – 122.
Sa suspected leptospirosis naman, ang age group nga may pinaka madamo nga suspected cases nga na report yara sa 21 to 30 years old.
Ang kabilugan nga kaso nga gin report 80 percent nga mas mataas sang sa 2021.
25 ang na record suspected leptospirosis cases kag anum ang napatay sang 2021.
Sa mga apektado kadam-an ukon 60 percent sa ila ang may history sang pag ubog sa baha ukon indi matinlo nga tubig.
Manubo naman sa 60 percent ang ulihi na nga nag pakonsulta sa duktor.