Shadow

Kaso sang dengue sa Negros Occidental nagsaka na sang 423%, Himamaylan naga panguna sa tanan nga LGU

Masobra sa 423 percent ang ginsaka sa kadamuon sang dengue cases sa Negros Occidental.

Sa June 4 nga report sang Provincial Health Office, humalin Enero, 953 ang dengue cases nga na report, ukon 423.63 percent nga mas madamo sang sa kasubong nga tion sang 2021.

Lima ang patay sini nga tuig.

Sa morbiditiy week 22, 134 ang new cases sa Negros Occidental.

Ang probinsya suno sa PHO ang yara sa karon sa alert threshold.

Nag pa gwa na ang PHO sang rekomendasyon sa pag deklara sang outbreak sa mga LGU nga nakalab-ot sa criteria para sa epidemic.

Sa June 4 nga report, may pinaka mataas nga reported dengue cases ang Himamaylan.

Damlag pa suno kay Tumimbang yara sa epidemic threshold ang Hinigaran.

Ginapatuman man sa karon ang weekly surveillance sang dengue cases sa mga ospital.

Gina usisa man ang suspected dengue deaths and cases.

Samtang, sa Bacolod, 103.7 percent nga nagsaka ang dengue cases.

Sa 165 ka kaso, 4 ang patay. Ang barangay singcang-airport kag estefania ang may pinaka madamo nga na report sang kaso – tig 18 ka dengue cases

Sulit-sulit ang pahanumdom nga mag paninilo sa palibot ilabi na likawan ang stagnant nga tubig.

Secured By miniOrangeSecured By miniOrange