Ang Bacolod Comelec Office isa sa mga nalakip nga government offices nga isaylo sa ginadihon nga construction sang new government center site sa kilid sang Mambuloc Creek sa reclamation area.
Malawig naman nga nagapangita sang lugar nga masayluhan ang Comelec Office ilabi na nga apektado sila sang pagbaha sa tion nga magbunok ang ulan.
Suno kay Bacolod Election Officer Atty. Kathrina Trinio-Caña, handa sila nga magsaylo kag ginakinahanglan lang kuntani nga may yara sila sang dugang storage facility area.
Ang siudad ang magatukod sang pila ka mga office building sa duha ka ektarya nga duta.
Nalakip ang ipahamtang diri ang opisina sang BTAO, Nutrition building, PNP station kag DRRM Office.
Ginalauman sang City Engineer’s Office nga sa tion nga matapos ang bidding sa madasun nga semana, masuguran naman ang proyekto sa madasun nga bulan.