COMELEC – Negros Occidental ang nagsugod na baton sang mga signature sheets.
Ini ang may angut sa karon gina duso charter change paagi sa people’s initiative.
As of January 18, may masobra sa 157,000 ka lagda ang na submit.
Sa datus sang Comelec, Enero 15 sang nag sugod baton sang signature sheets ang ila talatapan.
As of January 18, may 157,645 ka lagda ang nasubmit gikan sa onse ka mga banwa kag siudad.
Sa datus ang Bacolod may 69,098, Calatrava – 11,726, Escalante – 11,458, San Carlos – 10,811, Manapla – 6,205, Sagay – 15,052, Murcia – 4,529, Silay – 5,904, Talisay – 4,927, Bago – 7,725, Sipalay – 10,210 ka mga pirma.
Suno kay Comelec Provincial Supervisor, Ian Lee Ananoria sa ila nga bahin sila ang maga certify nga ila nabaton ang mga signature sheets kag maga hulat sila sang instruction.
Suno kay Atty Kathrina Trinio-Cana, Bacolod Elections Officer, sa karon safeekeeping lang anay tubtob nga may may order gikan sa en banc sa pag verify sang mga lagda.
“Indi ko ka comment kun ano ang ila purpose. Nag hatag man lang sila signature sheet kag nag pa receive. Mahatag man lang kami certification kun pila ka pirma”, suno kay Ananoria.
Sa karon wala pa man sang opisyal nga petition para sa charter change.
Suno kay Comelec Commissioner George Erwin Garcia nakabaton ang Comelec sang lagda gikan sa 300 ka areas sa pungsod.
Samtang, naga suporta si Governor Eugenio Jose Lacson sa charter change sa ano man nga pamaagi.
Sarang matigayon ang cha-cha, paagi sa people’s initiative, constitutional convention ukon constituent assembly.
Kinahanglan na suno sa iya ang pagkambyo labi na nga naga kabayaan na ang Pilipinas sang iban nga pungsod.
Ginsiling man kahapon ni Mayor Javier Miguel Benitez ang Negros Association of Chief Executives President nga may kinse ka mga alkalde ang nagasuporta sa cha-cha.