Tuyo sang Sugar Regulatory Administration nga makatukod sang basehan sa pagpatuman sang mga polisa nga makabulig sa pagpasanyog kag mas mapangapinan ang sugar industry.
Gani paagi sa research study angut sa sugar consumption sang pungsod ginapaabot nila ma-update ang pagtuon nga natigayon sang 2016 kag mapat-ud ang gina konsumo nga sweeteners sang local market.
Sa sini nga pamaagi ginalauman ni SRA administrator Luis Pablo Azcona nga mabuligan ang ahensya kag iban pa nga line agencies sa pagpatuman sang mga pagsulundan.
Ang SRA ang maga pain sang P7M nga pondo para sa pagtuon nga ipatuman sang Philippine Statistical Research and Training Institute.
Ang Philippine Statistics Authority ang nag-grant sang clearance para sa pag-update sang ginpatuman nga pagtuon.