Ang Sugar Regulatory Administration ang maga pain sang P30 million para sa cloudseeding operation sa Visayas para ma pa hagan-hagan ang epekto sang super El Niño.
Ini ang ginkumpirma ni Manuel Lamata, ang presidente sang United Sugar Producers Federation nga nakabaton sang sulat gikan sa kay SRA Administrator Pablo Luis Azcona nga napetsahan October 26, kun sa diin na pat-od nga ang SRA ang may napain nga pondo para sa cloudseeding operation labi na sa isla sang Negros kag Panay.
Suno kay Lamata, sila ang naga pasalamat kay Azcona sa mga proactive nga tikang para masabat ang mga gina kabalak-an nila. Nagalaum si Lamata nga ang budget tigayon makatabang kag malampuwasan ang El Niño.
Sila ang ginpahibalo nga maga sugod sini nga Nobyembre ang cloudseeding operations.
[sibwp_form id=1]