SRA Administrator ginapa-usisa ang responsable sa pag-gamit sang iya ngalan para makapang-scam.
Makaduha na ka beses nga nagamit ang ngalan ni Sugar Regulatory Administrator Pablo Luis Azcona sang wala pa makilal-an nga persona nga naga-solicit sang financial assistance sa mga commercial establishment para sa mga mangunguma nga apektado sang pagbuga sang abo sang Mt.Kanlaon.
Iya na ini ginpausisa. Nagapati si Azcona nga mahimo may iban pa nga motibo ang responsable sa amo nga modus.
Nagapanugyan siya sa mga negosyante ilabi na sa mga suppliers sang SRA nga mangin maid-id sa mga nagapangayo sang ayuda gamit ang iya ngalan agud indi mabiktima sang pagpaniplang.
Nobyembre sang ginpahibalo si Azcona sang iya kilala angut sa wala makilal-an nga caller nga nangayo sang ayuda.
Sini lang nga Miyerkules isa naman ka catering service ang gintawgan sang Tagalog speaking nga persona nga nagapangayo sang donasyon.