Tatlo ka mga siudad sa Negros Occidental sa karon ang first class cities na kag lima naman ka mga banwa ang first class muncipalities.
Ini base sa ginpa gwa nga order sang Department of Finance angut sa income classification sang mga probinsya, siudad kag mga banwa sandig sa ila nga income range sa idalom sang Republic Act 11964 ukon ang Automatic Income Classification of Local Government Unit Act.
Ang Bago, Cadiz kag San Carlos City ang first class cities na.
Nagakasayuran nga ang ila nga average annual regular income indi magnubo sa 1.3 billion pesos.
Ang EB Magalona, Isabela, Manapla, Pontevedra kag Ilog ang First Class Municipalities na.
Naga average sa 200 million pesos ang ila nga annual regular income.
Ang Himamaylan kag Sagay second class cities na samtang ang
Escalante, Sipalay, Talisay ang karon 3rd class cities na.
Ang second class cities may annual average income nga 1 billion pesos or more pero mas manubo sa 1.3 billion pesos, kag ang 3rd class cities naman may 800 million pesos ukon mas sobra pero mas manubo sa 1 billion pesos.
Ang Moises Padilla, Toboso, Valladolid, ang 2nd class municipalities na kag ang Candoni kag Don Salvador Benedicto 3rd class municipalities na.
Ang average annual income sang second class municipalities 160 million pesos pero mas manubo sa 200 million pesos kag ang third class naman 130 million pesos pero mas manubo sa 160 million.
Maga take effect ang order sa Enero 2025.
Ang basehan sang classification nasandig sa average nga regular income sa sulod sang tatlo ka fiscal year preceding ukon antes sang general income reclassification.