Sa madasun na nga tuig ginapaabot nga mapatuman ang 30-day dry run para sa lima ka mga electric jeepney nga magabyahe sa BCGC kag Ayala loop nga rota.
Ini samtang ginahulat pa sang Committee on Transportation and Traffic sang konseho ang approval sang Land Transportation Franchising and Regulatory Board para sa tatlo ka mga gintalana nga green route ukon rota para sa mga e-jeepney sa siudad.
Nalakip diri ang sa Barangay Cabug kag Barangay Vista Alegre.
Ginpahayag ni Councilor Al Victor Espino nga kun maaprobahan na sang LTFRB ang dugang nga mga rota madasun nga magapatigayon sang review para sa Local Public Transportation Route Plan.
May 24 ka mga existing nga rota ang Bacolod para sa mga modernized kag traditional jeepney.