Pito ka mga puluy-an ang totally destroyed samtang duha naman ang partially damaged sa nagluntad nga sunog las 8:20 sang kagab-i sa Purok Malinong, Brgy Tangub, siudad sang Bacolod.
Sa report sang Bacolod City Fire Station, nag-umpisa ang kalayo sa puluy-an ni Larry Lorimas tubtob nasunog man ang mga katupad nga mga pamalay kag nagdangat sa first alarm ang nasambit nga sunog.
Gina bulubanta nagdangat sa kapin P100,000 ang gin tuga nga kahalitan sang sunog samtang wala naman sang may nasamaran sa amo nga insidente.
Sa karon, gina hibalo pa sang mga taga BFP kun ano ang gin halinan sang kalayo.