Mayor Albee Benitez nananawagan sa mga suspek sa pagpatay sa Grade 11 student pati na sa mga suspek sa pagpanghimulos sa anak sang gunman nga mag-surrender.
Ang mapalab-ot ang hustisya sa pamilya sang ginpatay nga Grade 11 student nga si Nicus Balagosa ang luyag mapasiguro ni Mayor Albee Benitez amo nga nanawagan siya sa gunman kag sa kaupdanan sini nga mag-surrender sa kasuguan.
Si Balagosa ang gintiro kag napatay sa sulod sang iya kwarto sang akig nga gunman nga sadto ginapatihan nagtimalus para sa iya menor de edad nga gin-alegar ginhimuslan.
Si Balagosa kag duha sa iya mga abyan amo ang ginatudlo suspek. Pero ginsiling ni Police Capt. Portia Nillosan nga si balagosa ang posible biktima sang mistaken identity bangud sandig sa ila pagpang-usisa, nakapauli na ang biktima antes pa man natabo ang gin-alegar pagpanghimulos.
Gani pati ang duha ka mga abyan ni Balagosa ang karon ginapasurrender ni Mayor Albee nga nagpasalig nga respetuhon ang ila kinamatarung.
Ginmando man sang alkalde ang pagpasiguro sang seguridad sang mga ginikanan ni Balagosa nga karon nagakahangawa sa ila kabuhi matapos ang natabo nga pagpatay sa ila anak.
Ang alkalde ang nagapalab-ot sang pag-unong sa kalisod sang pamilya nga nalisdan.