Ginpasidunggan ang pulis nga natiruhan sang suspek sa ginpatigayon nga drug bust operation sa Sitio Felisa, Brgy. Magticol banwa sang Toboso kaagahon sang Sabado.
Suno sa kay Police Major Jun Ray Batadlan ang Chief of Police sang Toboso PNP, personal nga ginhatag ni Police Brigadier General Jack Wanky ang Regional Director sang Police Regional Office 6 (PRO6) ang award nga Medalya ng Sugatang Magiting sa kay Police Staff Sergeant Ronnie Melgar.
Si Melgar ang na-assign sa Station Drug Enforcement Team sang Toboso PNP, naigo siya sang bala sa natuo nga butkon matapos nga gintiro sang isa sa tatlo ka mga suspek sang ginpatigayon ang buy-bust operation.
Sa karon estable na ang kondisyon ni Melgar samtang ang suspek nga nakatiro nga ginkilala kay Albert Alico ang nagapabilin nga at-large.