Angut sa pagpatuman sang uniform travel policy, siudad sang Sipalay ang naghalog naman sang ila nga mga rekisitos para sa mga turista nga luyag magbisita sa lugar.
Sa executive order nga ginpapanaog ni Mayor Gina Lizares nga mangin effective March 17.
Ang mga Negros Occidental tourists ang indi na kinahanglan pa nga mag present sang travel documents.
Ang mga travelers gikan sa Region 6 naman ang tugutan na nga makasulod sa siudad basta nagsunod sila sa provincial kag lgu requirements.
Indi na kinahanglan ang tourism online registration, pero ang health declaration forms sang mga guests ang iga submit dapat sang mga accomodation establishments.
Indi naman kinahanglan pa ang sipalay travel form. Pero may checkpoints sa gihapon nga magapatuman sang symptoms screeening.
Ang mga turista naman nga naga biyahe gamit ang public transport tugutan na makasulod sa siudad.
Kag sandig man sa executive order sang gobernador, kinahanglanan sang mga stranded individual kag returning overseas Filipino ang negative RT-PCR test result, S-Pass permit kag ang StaySafe.ph application para maka sulod sa probinsya.