Shadow

Mga mabakunahan para sa COVID-19 sa Negros Occidental ginapaabot nga madamo sa masunod nga inadlaw

Natapos subong nga adlaw ang pag dul-ong sang tanan nga bakuna sa mga ospital sa Negros Occidental.

As of March 16, 699 pa lamang ka mga healthcare workers sa lima ka mga ospital sa Negros Occidental ang nabakunahan.

2,960 ang target nga mga healthcare workers gikan sa pribado kag government hospitals sa probinsya ang mabakunahan sang Sinovac kag AstraZeneca.

Suno kay Dr Ernell Tumimbang, diutay pa lamang ang nabakunahan pero ginapaabot nga sa bwas nga adlaw magasaka ini bangud kahapon man lamang na deliver ang mga bakuna para sa ospital sa sur nga bahin sang Negros Occidental kag subong nga adlaw ang sa mga ospital sa norte.

Ang kalayuon sang mga ospital naga apekto man sa kadasigon sang pagpatuman sang vaccine program suno sa iya. Sandig sa protocol sa mismo nga adlaw sang delivery amo man ang pagpatigayon sang pagbakuna.

Suno kay Tumimbang matapos ini sa deadline nga ginhatag.
kun ginabalita man ang pila sa mga side effect nga na eksperiensyahan sa AstraZeneca suno kay Tumimbang mahimo ini ang indi man severe.

Wala man sang sarang pa nga mapilian ang pungsod bangud ang AstraZeneca man lamang ang pwede nga madapat sa 60 anyos pasaka.

Leave a Reply

Your email address will not be published. Required fields are marked *

Secured By miniOrangeSecured By miniOrange