Shadow

43 ka persona nadakpan nga nagsupak sa local health protocols

TF Disiplina photo

May kwarentay tres na tanan ka mga persona ang na isyuhan sang citation ticket sang Task Force Disiplina sa siudad sang Bacolod bangud sang pagsupak sang local health protocols.

Suno sa pamuno sang Task Force nga si Wilfredo Geolingo, kalabanan sa ila gin isyuhan sang citation ticket ang wala nagasuksuk sang face shield ukon sala nga pagbutang sang face shield parehos sa pagbutang sini sa ulo.

Ila man namutikan nga madamo nga mga pumuluyo sa mga establisimiento komersyal kag sa mga magagmay nga baligyaan ang wala nagasunod sa physical distancing gani ila ini nga ginasaway.

Masami man nga ginabantayan sang task force ang mga nagasakay sa depasahero nga salakyan sa boundary sang norte kag sur sang siudad para mapasiguro nga wala sang overloading sang mga pasahero kag nagasuksuk sila sang face mask kag face shield.

Base sa ordinansa sang siudad, ang mga magasupak sa minimum health protocols ang sarang nga mamultahan ukon ipaidalum sa barangay community service.

Kada adlaw nagalibot ang task force sa nagkalain-lain nga mga barangay sa bacolod para mag monitor kag magsaway sang mga nagasupak sa ordinansa.

Leave a Reply

Your email address will not be published. Required fields are marked *

Secured By miniOrangeSecured By miniOrange