Siudad sang Bacolod natalana mag-issue sang show cause order bisan sa mga naka-retiro na nga kapulisan kag empleyado nga may accountability sa 90 ka motor vehicles nga indi makit-an.
Wala pa naka-submit sang evaluation report ang General Services Office may kaangtanan sa 90 ka mga salakyan kag motorsiklo sang siudad nga asta subong ginapapangita ni Mayor Albee Benitez.
Gani suno kay City Legal Office Romeo Carlos Ting, Jr., indi pa man sila maka-issue sang notices sa mga empleyado nga may memorandum receipt sa mga ginapangita nga government assets.
Ang anay supply officer IV nga si Victor Espina nga karon Officer in Charge sang GSO amo ang gintalana agud magpatuman sang onsite inspection agud makita ang mga nakabig INF ukon item not found nga mga salakyan.
Posible sini nga semana maga-issue na sang mga show cause order ang City Legal Office sa mga empleyado bisan pa sa mga retirado na nga kapulisan nga natagaan sang responsibilidad sa mga salakyan kag motorsiklo.
Sa malapit 500 ka mga motor vehicles nga na-inventory sang GSO, 197 diri ang serviceable kag 108 ang indi na mapuslan.
May 13 man ka mga motor vehicles ang undocumented.