Mga persons with disability, senior citizens kag nagabusong ginapahanumdom nga magboto temprano. Samtang, “no parking” ipatuman sa sulod sang mga polling centers sa May 12. May duha ka oras nga early voting hours halin las 5 sang kaagahon asta las 7 sang aga nga gintalana ang Commision on Elections para sa mga PWD, senior citizens kag pregnant voters sa May 12 National and Local Elections.
Gani ginapaabot ni Bacolod City Election Officer Atty. Revo Sorbito nga temprano pa sila makapadulong sa mga polling centers.
May mga emergency personnel gikan sa Bacolod DRRMO nga pwede mag-assist sa ila. Sa record sang COMELEC nagalab-ot 12 million ang registered senior citizen voters kag kapin 600,000 ang PWD voters sa pungsod. Samtang, nagpa-gwa na sang abiso ang pamunuan sang mga eskwelahan nga pagagamiton nga polling centers nga nagadumili sa mga car owners kag drivers nga maka-park sa sulod sang school campus. Ini agud mapaiway ang pag-ginutok sang mga magapadulong nga botante sa sulod sang voting centers.