Mayor Albee Benitez nagtukod sang Local Governance Transition Committee sa natalana niya nga pagbiya sa Bacolod City Government Center.
Sa ginpa-gwa nga executive order ni Mayor Albee Benitez mangin kabahin ang mga department heads kag katapo sang civic sector sang Local Governance Transition Committee. Ang transition team ang magapasiguro nga mangin hilway ang turn-over sang tanan nga mga public documents halin sa development plans, financial reports kag iban pa sa masunod nga administration. Ginsiling ni Secretary to the Mayor Atty. Jose Marty Go mahimo nga botohan pa sang katapo sang komitiba ang mangin vice-chairperson sang transition team. And Department of the Interior and Local Government ang nag-advise sa alkalde sa pagtukod sang transition team sa iya natalana nga pagbiya sa Bacolod City Government Center. Ini matapos nga nagpapili sa congressional elections sang siudad si Benitez.