Department of Public Works and Highways natalana magapatuman sang construction sang P10M nga police station sa gin-donate nga duta sang Rockwell sini nga Mayo.
Na-plastar na sang Bacolod LGU sa pagpanguna ni Mayor Albee Benitez ang plano para sa 1,986 square-meter nga donated lot sang Rockwell Land Corporation sa Barangay Mandalagan sa Bacolod.
Nalakip diri ang bag-o nga Police Station 3 Building, Fire Station kag Disaster Risk Reduction and Management Command Center.
Gani kahapon, Hwebes, nagpatuman sang site inspection ang Bacolod DPWH upod sa City Engineer’s Office kag mga natungdan nga ahensya.
Ginsiling ni DPWH OIC Engr. Leah Jamero, iga-award na ang kontrata para sa P10M police station project kag ginapaabot niya nga masuguran ang construction matapos ang pinili-ay sini nga Mayo.
Magahulat ang DPWH sa mga dokumento sa pag-formalize sang donasyon antes sugdan ang construction.