Shadow

Senior citizens prayoridad sang Negros Occidental sa National Vaccination Days

Capitol photo

Mangin prayoridad sang probinsya sa National Vaccination Days sini nga Marso 10 tubtob 12 ang mga senior citizen.

Ini suno kay Negros Occidental Governor Eugenio Jose Lacson labi na nga daku pa ang populasyon sang mga senior citizen ang wala mabakunahan.

Sa Marso 2 nga datus sang Regional Vaccination Operations Center DOH Western Visayas, 229,162 ang gina target nga mabakunahan. 54.19 percent pa lang sa ila ukon 124,178 ka senior citizen ang fully vaccinated.

Suno kay Governor Lacson, nagsapol sa iya ang team gikan sa World Health Organization kun sa diin gintalakay nila ang technical support nga igahatag sa probinsya para mapadasig pa gid ang Covid vaccination sa priority group A2 ukon mga senior citizen.

Ang team gikan sa WHO ang naga tuyo nga magabulig sa probinsya para madihon ang nagakaigo nga strategies sa pagbakuna sa mga senior citizen.

Secured By miniOrangeSecured By miniOrange