Shadow

Sen. Zubiri: Hinay nga distribution sang bakuna mahimo mag resulta sa diutay nga botante sa adlaw sang eleksyon

YouTube player

Ang mahinay nga pagpadala sang mga bakuna sa mga probinsya ang ginakalulbaan ni Senador Juan Miguel Zubiri nga maka apekto sa maabot nga may 2020 elections.

Para kay Senator Zubiri may nagakaigo nga mga bakuna nga naga abot sa pilipinas pero mahinay ang distributin sini sa mga probinsya. 64 million pa ka mga Pinoy ang kinahanglan nga mabakunahan.

Sa isa ka survey suno kay Zubiri, nga kun may mataas pa nga kaso sang Covid-19, 46 porshento ang indi mag boto kag 35 porshento lang ang maga boto.

Sa iya nga pakig sugilanon sa mga LGU may mga lugar pa gani nga tubtob karon ang mga yara pa lang sa A2 category ang gina bakunahan.

Bangud sini may pagkahangawa ang senador nga basi indi malab-ot ang herd immunity kag ma apektohan ang eleksyon. Iya na ini nga ginpalab-ot sa vaccine czar nga si Carlito Galvez para masolusyonan.

Dugang pa ni Zubiri nga kun madamo pa ang wala mabakunahan pag abot sang may 2022 elections basi indi maka boto ang majority sang mga voters.

Isa man sa nakita ni Zubiri nga solsuyon amo nga mapalawig pa gid ang oras sa pag boto para indi mag dinaguso ang tanan sa mga voting precints.

Sini nga Agosto natalana ang senado nga mag sapul sa Commission on Elections kag isa ini sa ila nga mangin topiko.

Secured By miniOrangeSecured By miniOrange