Shadow

Amay ginabuhi ang iya pamilya pinaagi sa mga kutsilyo

Kun pirme ka naga labay sa may corner sang CL Montelibano Drive kag Narra Avenue sigurado nakita mo na si Reynante Agravante nga naga humlad sang iya binagtong nga mga binangon, kutsilyo kag talibong.

Kun lantawon, halos kada adlaw literal nga kapit sa patalim ang iya palangabuhian. Naga salig siya sa pag baligya sang mga patalom agud mabuhi ang iya pamilya, ilabi na ang iya lima ka mga kabataan

Istorya ni Reynante, antes pa man ginpatuman ang lockdown sang nagligad nga tuig bangud sang pandemic, nagalibot siya para mangita sang ma pwestohan tubtob nga may nasugat an siya nga customer sa amo nga lugar.

Sumugod sadto diri na siya nag plastar kag gina balikbalikan sang iya nga mga customer.

Makapoy ang matag adlaw niya nga trabaho.

Masami sa terminal kag sa bagsakan sa Libertad siya naga tulog kun gab-i agud lang makakinot sang kwarta.

Kada samana ensaktohan na ang mapauli niya nga sinko mil pesos nga kinitaan para sa kinahanglanon sang iya pamilya.

Sa mga pandayan man sa cauayan gina alsada ni reynante ang iya mga patalom nga gina baligya halin sa dos shientos sinkwenta pesos tubtob otso shientos pesos depende sa klase.

Grade 2 lang ang nalab ot ni Reynante, amo nga handa siya nga magsakripisyo kag himuon ang tanan para lang mapasiguro nga indi maagyan sang iya mga kabataan ang iya gindangatan.

Leave a Reply

Your email address will not be published. Required fields are marked *

Secured By miniOrangeSecured By miniOrange