Gina pabaskog karon sang siudad sang San Carlos ang kampanya kontra dengue kasunod sang pagsaka sang kaso sa pila ka mga barangay. Ini suno kay Joe Alingasa ang Information Officer sang San Carlos City nga nagsiling man nga damlag pa gin re-activate na sang siudad ang Dengue Task Force sini.
Activated man ang dengue fast lane. Damlag pa gin-report nga maka alarma ang pagsaka sang dengue cases sa Barangay Rizal. Nagpatigayon naman sang entomological survey upod ang Provincial Health Office Team Lamok para makatipon sang evidence-based findings sa vector.
Ang San Carlos City sa Septermber 23 nga report sang PHO ang may pinakamataas nga kaso sang dengue sa probinsya – 140 cases kag duha ka dengue deaths.
Pero sa kabilugan nga report sang PHO nagnubo sa 79.91 percent ang kadamuon sang dengue cases sa Negros Occidental kun ipaanggid sa kasubong man nga tion sang nagligad nga tuig. Pito naman ang gin report napatay bangud sang dengue sa bilog nga probinsya.