Gin-post ni Jake Bilbao ang video sa tuyo nga makilala ang lalaki nga naga motorsiklo para mapa blotter sa PNP ang insidente.
Makita sa video ang apat ka mga bikers sa dalanon sa Barangay Cabatangan sa Talisay City. Okupado sang apat ang isa ka lane sang dalan. Gikan sa likod, malayo pa naga panirbato na ang isa ka motorcycle rider. Nag sige ini sa pag panirbato nga nagpa init sa ulo sang bikers kag may nag singgitan na. Nainit ang motorcycle rider kag nag pondo. Nag init nga nag init ang sinabtanay tubtob nagkuha na sang kutsilyo ang motorcycle rider. Naghandos pa ini nga magpangbuno sang maka pila ka beses. Ginpangitaan siya sang bikers sang rehistro kag wala man sang plate number ang motorsiklo.
Naglawig ang binaisay tubtob nag hangkatanay tapungulay pero sang ulihi nagbiya na ang motorcycle rider. S
a caption sa post ni Bilbao naga pamangkot siya kuno sino ang naka kilala sa amo nga rider kay kinahanglan nila ang iya identity sa pagpa blotter sa PNP.