Patay ang 46 anyos nga iloy nga si Alma Claridad matapos natampukan sang mga tubo nga karga sang truck sa Barangay Tabu, banwa sang Ilog kaina sang aga.
Suno sa Ilog PNP base sa statement sang mga saksi, nagalakat ang biktma upod ang iya bana sa kilid sang dalan sang may nagapadulong nga truck nga may karga nga tubo nga na alang-alang.
Nag panic ang biktima kag naglumpat sa higad sang dalan pero didto man natumba ang truck nga nalukpan sang goma kag napilpilan siya sang mga karga nga tubo. Ginbuligan pa sang mga residente nga makuha ang biktima pero naga palang git-om na siya sang makuha nila.
Nakig-angut na ang pulis sa tag-iya sang truck agud madakpan ang driver nga ginkilala kay Rolly Mendoza nga nagpalagyo matapos ang insidente.