Gin sugdan sang siudad sang San Carlos ang drug testing sa mga empleyado para sa tuig 2024.
Duha ka mga job order workers ang nag positibo sa pag gamit sang iligal nga droga.
Pebrero 12 sang ginpatigayon sang City Anti Drug Abuse Council ang pinaka una nga drug testing subong nga tuig.
250 ka regular kag job order employees sa idalom sang City Agriculture Office ang gin paidalom sa drug testing nga ginpamunuan sang City Health Office.
Suno kay San Carlos City Mayor Renato Gustilo sa resulta nga ila nakuha, duha ka mga job order workers ang nagpositibo. Ini sila ang makakas sa pwesto suno sa alkalde.
“May job order duha kabilog na nag positive. Ipatawag pa na namon, pabal-on and I think papahuwayon lang anay sa trabaho. Job order automatically out gid na sila. Pero kun career position covered ka sa Civil Service”, suno kay Gustilo.
Sang 2023, regular man ang pag patuman sang San Carlos City sang drug testing.
Mga job order workers ukon casual nga nag positibo ang ginkakas sa pwesto.
Samtang ang mga regular naman nga nag postibo gina paidalom sa confirmatory test kag kun mga positibo gihapon ang may option nga magpaidalom sa rehabilitation.
Sang 2023, may regular employee nga positive ang nag pakamaayo man nga resign suno kay Gustilo.
Indi magnubo sa 14 suno sa iya ang nag positbo sa pag gamit sang iligal nga droga sang 2023.
Ang random drug testing mandatory requirement sang Civil Service Commission paagi sa Comprehensive Dangerous Drugs Act para sa isa ka drug free workplace suno sa City Anti Drug Abuse Council.