Sa una nga tulok, pensaron mo nga may naga panagtag sang ayuda sa sini nga corner sa Kabankalan City bangud sang kalaba sang pila. Pagpalapit, branch ini gale sang isa ka pera padala center.
Ini ang isa lang sa duha ka mga money remmitance center nga bukas sa siudad. Generator set lang ang naga padalagan sini.
Si Florein Bajos naga pila para maka kuha sang kwarta nga ginpadala sang iya utod nga yara pa sa HongKong.
Si Divina Grace Clamor naman gikan pa sa banwa sang Ilog. Las sais pa lang sang aga naga pila na siya para ma claim ang padala nga kwarta sang iya nga bana nga ara sa Iloilo. Bayo lang gid nga ila gina suksok ang ila nasalbar sa ila nawasak man nga balay.
Ang ini nga lalaki las singko pa sang kaagahon naga pila. Pasado na las nuebe yara pa siya sa gihapon naga pila.
Ang ini nga babaye gin uyatan na lang ang bulutangan sang mga forms kag gin pungkuan ang natungtungan sini nga bangko kay tatlo na siya ka oras sa pila.
Wala sa gihapon sang power kag water supply sa siudad. Sa report sang NOCECO, singkwenta prosyento na sang mga substations ang energized sa southern Negros.