Biyernes sang aga pila ka oras matapos ang pagpang halit sang bagyo nga Odette amo sini ang sitwasyon sang dalanon pa sur. Sa Circumferential Road sa Barangay Alijis sa bacolod may kubo nga gin lupad sa tunga sang dalan. Suno sa tag iya sang balay nga si Efren Carpentero, naka lumpat lang gid siya sang gin palids ang hangin ang iya balay.
Ginbuligan siya sang iya mga kaingud nga mapahigad sa dalan ang iya kubo sang udto.
Ang highway sang Bago pasaka sa Pulupandan, Valladolid kag Pontevedra napuno sang mga puno sang kahoy kag mga poste nga nagkala tumba.
May mga bala nga nawad-an sang atop kag nagakala tumbahan sang kahoy.
Ang Christmas village sang mga Valladolid, nagkala wasak.
Si Jude Cabute sang Barangay San Juannaga pangayo tabang. Natumbahan sang puno sang mangga ang iya balay. Duha lang sila sang iya amay nga bed ridden ang naga istar diri.
Sa Miranda sa Pontevedra natumba ang ini nga tricycle matapos nga masalawid sa kable sang kuryente. Gindala sa ospital ang driver. Wala sang kuryente kag tubig sa banwa.
Sa Hinigaran, nagakatumba ang mga dalagko nga puno sang kahoy sa plaza. Pati billboard sang mga naga papili natumba man.
Sa Barangay Pilar, naga idas ang mga poste nga nagkala tumba sa higad sang dalan.
Sa Binalbagan, amo sini ang hitsura sa gwa sang munisipyo. Natumba ang mga dalagko nga puno sang kahoy.
Naga dagsa ang tawo sa charging station sa munisipyo kag sa tabok sini.
Ang dalan sa Barangay Enclaro sang Sabado sang hapon one way lang kay kadamo sang mga puno sang kahoy nga nagkalatumba.
Ang onse sa trese ka mga structures sa PeacePond nga kooperatiba sang mga mangunguma ang nagkala wasak. Ang naga dumala sini nga si Checcs Orbida gin istorya nga sa sulod sang lima ka oras nag kuob lang siya sa idalom sang sini nga lababo. Matapos nga gin lupad sang hangin ang atop sang ila nga balay nga bag-o lang renovate.
Sa pihak sang gindangtan sang ila farm, sa gihapon naga pasalamat siya nga wala sang mga nasamaran sa ila sang mga mangunguma nga mga miyembro nila…
Sa Himamaylan City… Kun indi puno sang kahoy, mga poste man ang nagkalatumba sa dalan.
Sabado kag Domingo nagpadayaon ang clearing operation sa dalan para malabyan sang mga salakyan.
Pagwa sa siudad may mga kabataan nga naga tindog sa higad sang dalan nga naga pangayo sang bulig.
Iban may bitbit nga mga labador kag plastic contanier nga bulutangan sang bulig nga pwede idaho sa ila.