Shadow

RT-PCR test para sa mga LSI gina require sa gihapon sa Negros Occidental

Sa Marso kinse natalana nga ipatuman sang probinsya sang Negros Occidental ang Resolution 101 ukon ang uniform travel protocol nga damlag pa ginpa gwa sang National Inter-Agency Task Force for the Management of Infectious Diseases.

Magasapol bwas nga adlaw si Negros Occidental Governor Eugenio Jose Lacson sa mga alkalde sang probinsya agudto matalakay ang pagpatuman sang Resolution 101.

Sa uniform travel protocol indi na kinahanglan pa ang mga naga biyahe mag paidalom sa quarantine magluwas na lamang kun sila ang nakitaan sang sintoma sa ila nga pag abot sa lugar nga ila luyag padulungan.

Indi naman mandatory ang testing magluwas na lamang kun ini ang kinahanglanon sang lugar nga kaladtuan antes sang pagbiyahe.

Suno kay Governor Lacson sa marso kinse maga pa gwa siya sang executive order angut diri.

Damlag pa ginsiling na sang gobernador nga kun ipatuman ang Resolution 101, siya ang maga require sa mga magapadulong sa probinsya sang negative RT-PCR test result.

Ang Regional IATF damlag pa wala anay nagpatuman sang resolution 101 pending sang pila ka mga bagay nga luyag nila iklaro sa NIATF.

Suno kay DILG provincial director Roselyn Quintana tubtob sa marso kinse ang pag paiway sang pagpatuman sang Resolution 101 sa Western Visayas kag sila ang naga hulat sang official advisory sa karon.

Leave a Reply

Your email address will not be published. Required fields are marked *

Secured By miniOrangeSecured By miniOrange