Anay Bise Presidente Leni Robredo nagpasalamat sa iya mga Negrense supporters kag nanawagan nga padayunon ang pagkampanya para malab-ot ang pagbag-o sa panghimanwa sa pungsod.
Napierde man sa pinili-ay pero para sa anay bise-presidente nangin madinalag-on gihapon ang ginsuguran nga kampanya sang mga civic organization para sa ginahandom nga pagbag-o sa panghimanwa.
Sa 1st General Assembly sang Paghimud-os Incorporated nagpasalamat man si Robredo sa suporta nga ginhatag sang mga Negrense.
Kabahin sang assembly ang natukod nga partnership sa tunga sang Paghimud-os kag Angat Buhay organization.
Tinutuyo naman sang Paghimud-os upod sa iban pa nga civic organization ang pagkilala sa mga local government unit lakip na mga barangay pinaagi sa outstanding model for good governance.
Sini lang nga hapon isa man ka book launching kag signing ang ginpangunahan sang anay bise presidente sa Acacia Hotel Pavilion.