Road closure kag re-routing plan para sa Masskara Festival ginpatpat sang Bacolod Traffic Atuhority Office.
Sumugod sang Miyerkules ginsuguran na sang Bacolod Traffic Authority Office ang pagpatuman sang temporary road closure sa palibot sang Bacolod Public Plaza sa pagsugod man bukas sang mga kiosko.
Halin 3pm asta 5am ang road closure nga magalawig asta Oktubre 22.
Sa Oktubre 16 asta 22 ipatuman naman ang temporary road closure halin 3pm asta 5am sa Lacson Street halin sa Bangga Ramos asta sa 2nd Street atubang sang SSS building.
May road closure man sa North kag South Capitol Road kun diin hiwaton ang mga street party kag food bazaar.
Ginalauman sang pamunuan sang BTAO nga mahuman na ang road construction kag drainage project sa Aguinaldo kag Gatuslao Streets nga mangin alternative route para sa mga pampubliko nga salakyan.
Sa October 10 asta sa Oct 13 may portion man sang dalan sa The Upper East ang sirad-an para sa paghiwat sang MassKanamit Festival.
Ginpaabot man ang pag guot sang lakat sang trapiko sa ipatuman nga road closure sa Circumferential Road tubang sang Bacolod City Government Center asta sa Megaworld para sa Electric Masskara Festival sa October 21 asta 22.