Gin-serbe subong nga Lunes, Abril 13 sang Land Transportation Office-Negros Island Region ang resolution nga naga-rekomendar nga kaksan sang driver’s license ang rider sang Honda Beat motorcycle nga nagtapungol sa 67-anyos nga driver.
Ginbaton sang rider nga si alyas “Papat”, 30-anyos, residente sang Barangay Patag sa Silay City ang resolution sang LTO-NIR sa ila opisina sa Brgy. Mansilingan, Bacolod City.
Nagluntad ang road rage incident sa national highway sang Purok Bernabe sa Barangay Salvacion, banwa sang Murcia, Negros Occidental, sadtong Marso 8, 2026.
Nagresulta ang insidente sa pagkasamad sang driver sang Toyota Wigo nga ginkilala kay alyas “Luing”, isa ka anay kapitan sang Barangay V sa Murcia kag anay ABC president.
Nagpaandam ang LTO-NIR sa tanan nga mga motorista nga magpabilin nga disiplinado, pakalmahon ang kaugalingon kag unahon ang safety kag respeto sa tagsa-tagsa samtang yara sa mga pampubliko nga dalan.*
[sibwp_form id=1]