Acute Respiratory Infection ang top leading causes sa mga consultation sa evacuation center.
Ini base sa report sang Department of Health Negros Island Region Center for Health Development.
Sa mga konsulta nga ginpatigayon, 56 ang acute respiratory infection.
Naga sunod sa top leading causes sa mga consultation amo ang pag hilanat – 11 kag hypertension – lima ka kaso.
Sa kabilugan, may 4,728 ka consultation ang napatuman sang DOH.
Masobra naman sa 48,000 ka mga mask ang napanagtag, n95 masks – 87,200, nasal canula – 200, oxygen regulator – 5, nebulizer kit – 349, aquatabs – 17,000 kag iban pa.
Sa karon may 31 ka active nga evacuation center, 5 diri ang yara sa La Carlota City, 9 sa La Castellana, 7 sa Bago City kag 10 sa Canlaon City.
May 12,739 ka persona sa karon ang yara nagapabilin sa sining mga evacuation center.