Gobernador ang naga panawagan sang pagtaha ukon pag respeto sa tagsa ka kandidato sini nga piniliay.
Opisyal na nga nagsugod ang national campaign period ukon ang para sa mga naga papili senador kag partylist representative.
Sa Marso 28 naman maga sugod ang kampanya para sa local posts.
Suno kay Lacson nakabaton siya sang impormasyon nga may mga tarpaulin nga gin pang vandalize kag gin pang gisi.
Nagakaigo lamang nga ipakita sang Negros nga sarang maka patigayon sang malinong nga kampanya sa probinsya.
Sa Pebrero 13 naman natalana ang peace covenant signing sa mga naga papili sa provincial posts.
Indi man maka tambong si Lacson bangud yara siya sa Manila pero iya nga gina haylo ang mga maga papili nga magtambong kag mag lagda sa commitment para sa malinong nga piniliay.