Kapulisan ginaplano nga tagaan otoridad nga magserbe sa mga polling centers nga yara sa mga ginakabig geographically isolated and disavantaged areas.
Indi lang mga manunudlo ang maga-handle sang mga automated counting machines sa natalana nga midterm elections sa Mayo.
Ang mga pulis ang nagapaidalom man karon sa mga seminar kag orientation sang Commission on Elections.
Ginpahayag ni NOCPPO spokesperson Police Captain Judesses Catalogo nga posible magserbe ang mga police personnel sa mga polling centers ilabi na sa mga ginakabig geographically isolated and disadvantaged areas ukon mga lugar nga malayo kag indi mahapos malab-ot kag wala sang internet connection nga kinahanglanon sa automated election.
Ginklaro ni Catalogo nga mangin case to case basis lamang ang posible nga pag-operate sang mga pulis sang ACM nga naga kinahanglan sang authorization sang COMELEC.
Gindugang niya nga sa adlaw sang pinili-ay magapabilin ang kapulisan nga magasunod sa guidelines sang COMELEC angut sa ila nga mangin responsibilidad sa mga polling centers.