Negros Occidental PNP, ginapaabot ang pagtambong sang mga kandidato sa peace covenant signing sa Pebrero 13 kabahin sang pagsuporta para sa malinong kag matawhay nga pinili-ay.
Ginpahayag ni NOCPPO spokesperson Police Captain Judesses Catalogo nga mangin kabahin sang pagpakita sang pag suporta sang mga naga kandidato sa malinong kag matawhay nga May 2025 local elections ang natalana nga covenant signing sa Pebrero 13.
Halin sa naga kandidato sa pagka-gobernador asta sa pagka-board member ang na padal-an na sang imbistasyon sang NOCPPO.
Pagasugdan ini sang misa sa sulod sang Camp Alfredo Montelibano, Sr. kag sunod nga magapaidalom sa orientation ang mga election aspirants.
Magluwas sa natalalana nga covenant signing, nagapadayon ang ginapatuman nga unity walk kag peace covenant signing sang PNP kag Comelec sa mga banwa kag siudad sa probinsya.