Pirmado na ang resolusyon nga naga-approve sang financial assistance para sa malapit sa isa ka libo ka mga Bacolod City PESO scholars.
Suno kay Mayor Greg Gasataya, magasugod ang implementasyon sini sa school year 2025-2026 kun sa diin ang kada estudyante makabaton sang ₱3,000 nga allowance kada semester nga igahatag direkta sa mga scholars.
Ginpasiguro sang lokal nga panguluhan sang Bacolod ang padayon nga pagsuporta sa edukasyon paagi sa pag-approve sang resolution nga naga-allocate sang financial assistance ukon allowance para sa mga PESO scholars.
Ang allowance ang dugang pa sa subsidy nga ginabyad sang siyudad sa ila mga eskwelahan.
Ginatinguhaan sang siudad nga ma-release ang una nga allowance sini nga Oktubre.