P7.6 billion ang proposed 2026 budget sang Negros Occidental.
Mas mataas ini sa 17.98 percent sa 2025 budget.
Ginsiling ni Vice Governor Jose Benito Alonso nga subong lamang nga adlaw nabaton sang iya nga talatapan ang proposed 2026 budget.
Sa P7.6 billion, nalakip diri ang general fund nga P7.3 billion kag ang iya sang Economic Enterprise Development Deparment nga P294.6 million.
Sa proposed general fund budget naka saad nga ini ang kuhaon gikan sa local sources nga naga lakip sang Tax kag non Tax revenue kag mga charges nga naga dangat sa P668.5 million kag National Tax Allotment nga P6.6 billion.
Suno kay Vice Governor Alonso may pagsaka sa NTA.
Kasubong man ang sitwasyon sa iban nga mga LGU.
Karon nga nabaton na sang SP, suno kay Board Member Marxlen dela Cruz nga Finance Committee chair, iga-refer ini sa komitiba para masugdan ang deliberation. Naga pasalig sila sang transparency.
Sa ginpadala nga proposed budget nakasaad nga gin-optimize ini para maga pabilin on track ang gobyerno probinsyal sa 7 point agenda sini – Abanse Negrense santo sa Provincial Development Investment Plan para sa 2026-2028.