3rd District Congressman Francisco Benitez nagpahayag nga wala na sang mga pagpanghangkat para sa natalana nga hearing sang Committee on Apropriations may kaangtanan sa proposed Negros Island Region.
Nagahulat na lamang sang hearing schedule halin sa Committee on Apropriations ang mga proponent sang Negros Island Region. Suno kay 3rd District Representative Francisco
Benitez wala sila sang may nakita nga pagpanghangkat bangud sang unanimous position gikan sa mga tiglawas sang probinsya sang Negros Occidental, Negros Oriental kag Siquijor.
Ginpahayag man ni Benitez nga nagapabilin nga mabaskog ang suporta sang mga kongresista halin sa Negros Oriental sa pihak man sang pagpamatuk ni Governor Roel Degamo sa ginaduso nga pagbalik sang NIR.
Ginpaathag man sang kongresista nga mismo ang mga tiglawas sang Siquijor ang nagpabutyag sang interes nga mangin kabahin sang NIR bangud magluwas nga malapit init sa Dumaguete City, nangin anay sub-province man anay sang Oriental ang probinsya.