Shadow

Siudad naga-review sang PPP proposal sang SM Group  para sa Manokan Country

SM Group luyag magdumala sang Manokan Country sa sulod sang 20 ka tuig pinaagi sa Public private Partnership upod sa siudad.

Ginbaton na sang siudad ang proposal sang SM Group para sa Private Public Partnership para sa pagtukod kag pagdumala sang bag-o nga Manokan Country sa Reclamation area.

Suno kay City Administrator Pacifici Maghari, III,  gina-review na sang PPP Committee ang Proposal.

Pero bukas ang siudad para sa iban nga proponent para sa Manokan Country.

Ang 2-storey building ang ginalauman mangin landmark sa siudad. Humalin pa sang mga nagliligad nga administrasyon nga nagpabutyag sang interes ang Ang SM group para sa Manokan Country.

Ang proponent amo ang magatukod sang proyekto kag amo man ang magadumala sang Manokan sa sulod sang 20 ka tuig.

Ginapaabot nga mas mapasanyug ang food traffic kag mapahagan-hagan man ang trapiko sa lugar kun matigayon ang PPP project.

Secured By miniOrangeSecured By miniOrange